കപിൽ സിബൽ സുപ്രീംകോടതി ബാർ കൗൺസിൽ അസോസിയേഷൻ പ്രസിഡന്റ്
ന്യൂഡൽഹി : മുതിര്‍ന്ന അഭിഭാഷകന്‍ കപില്‍ സിബലിനെ സുപ്രീം കോടതി ബാര്‍ അസോസിയേഷന്‍ പ്രസിഡന്റായി തിരഞ്ഞെടുത്തു.
ബാർ അസോസിയേഷൻ തിരഞ്ഞെടുപ്പിൽ കപില്‍ സിബലിന് 1066 വോട്ടുകള്‍ ലഭിച്ചു.മുതിര്‍ന്ന അഭിഭാഷകനായ പ്രദീപ് റായ് 689 വോട്ടുകള്‍ നേടി രണ്ടാമതെത്തി. നിലവിലെ പ്രസിഡന്റ് ആദിഷ് സി ആഗര്‍വാലയ്ക്ക് 296 വോട്ടുകളാണ് ലഭിച്ചത്.പ്രിയ ഹിംഗോറാണി, ത്രിപുരാരി റേ, നീരജ് ശ്രീവാസ്തവ എന്നിവരായിരുന്നു മറ്റ് മത്സരാർത്ഥികൾ.
ഇത് നാലാം തവണയാണ് സിബൽ എസ്‌സിബിഎ പ്രസിഡൻ്റാകുന്നത്. വൈസ് പ്രസിഡൻ്റായി രചന ശ്രീവാസ്തവയും സെക്രട്ടറിയായി വിക്രാന്ത് യാദവും തിരഞ്ഞെടുക്കപ്പെട്ടു. 23 വര്‍ഷം മുൻപ് 2001ലായിരുന്നു അവസാനമായി കപില്‍ സിബല്‍ പ്രസിഡന്റ് സ്ഥാനത്തേയ്ക്ക് തിരഞ്ഞെടുക്കപ്പെട്ടത്
