എ എ പി പ്രതിഷേധം അക്രമാസക്തം; പോലീസ് ലാത്തിവീശി

ഡൽഹി : എഎപി നേതാവും ഡൽഹി മുഖ്യമന്ത്രിയുമായ അരവിന്ദ് കെജരിവാളിനെ അറസ്റ്റ് ചെയ്തതിൽ പ്രതിഷേധിച്ച് ആം ആദ്മി പാർട്ടി പ്രവർത്തകർ ഡൽഹിയിലെ പട്ടേൽ ചൗക്കിൽ നടത്തിയ പ്രതിഷേധ യാത്രയിൽ സംഘർഷം.
പ്രതിഷേധക്കാരെ തടഞ്ഞ പോലീസിന് നേരെ സമരക്കാർ അക്രമം അഴിച്ചുവിട്ടതോടെയാണ് സംഘർഷം രൂക്ഷമായത് തുടർന്ന് പ്രവർത്തകരെ പോലീസ് ബലംപ്രയോഗിച്ച് നീക്കി.

പഞ്ചാബ് മന്ത്രി ഹർജോത്ത് സിംഗ് ബെയിൻസ് ഉൾപ്പടെയുള്ള മുതിർന്ന നേതാക്കളുടെ നേതൃത്വത്തിൽ ആയിരുന്നു പ്രതിഷേധം.
അതേസമയം ഒരുതരത്തിലുള്ള പ്രതിഷേധ പ്രകടനങ്ങളും അനുവദിക്കില്ലെന്ന് ഡൽഹി പോലീസ് അറിയിച്ചു.