സിവിൽ പോലീസ് ഉദ്യോഗാർത്ഥികളുടെ സമരത്തിനിടയിൽ 45 പേർക്ക് അഡ്വൈസ് മെമ്മോ

തിരുവനന്തപുരം : സിവിൽ പോലീസ് റാങ്ക് ലിസ്റ്റിൽ ഉൾപ്പെട്ട വിദ്യാർത്ഥികൾ സെക്രട്ടറിയേറ്റിനു മുന്നിൽ സമരം ചെയ്യുന്നതിനിടെ 45 പേർക്ക് അഡ്വൈസ് മെമ്മോ അയച്ച് പി എസ് സി. സമരത്തിൽ പങ്കെടുക്കുന്ന മൂന്നു പേർക്കും അഡ്വൈസ് മെമ്മോ ലഭിച്ചിട്ടുണ്ട്. കഴിഞ്ഞ മന്ത്രിസഭ യോഗത്തിലാണ് തീരുമാനമെടുത്തത്.
എന്നാൽ സമരം തുടരുമെന്നും ഒഴിവുകൾ യഥാസമയം റിപ്പോർട്ട് ചെയ്തു കൂടുതൽ ഉദ്യോഗാർത്ഥികൾക്ക് ജോലി നൽകണമെന്നുമാണ് സമരം തുടരുന്നവരുടെ ആവശ്യം. തൊള്ളായിരത്തിലധികം പേർ ഉൾപ്പെട്ട റാങ്ക് ലിസ്റ്റിൽ നിന്ന് വളരെ കുറച്ച് നിയമനം മാത്രമാണ് സർക്കാർ നടത്തിയത്.
സി പി ഓ റാങ്ക് ലിസ്റ്റ് നാളെ അവസാനിക്കും
കഴിഞ്ഞ 18 ദിവസമായി പലതരത്തിലുള്ള സമരമുറകളുമായി സെക്രട്ടറിയേറ്റിന് മുന്നിലാണ് വനിതാ പോലീസ് റാങ്ക് ലിസ്റ്റിൽ ഉൾപ്പെട്ട അറുപധിലധികം ഉദ്യോഗാർത്ഥികൾ. വിഷുദിനത്തിൽ തെരുവിൽ കണിയൊരുക്കി കൺതുറന്ന ഉദ്യോഗാർത്ഥികൾ സ്വന്തം ചോര കൊണ്ട് പ്ലക്കാർഡ് എഴുതി പ്രതിഷേധിച്ചു. ഭക്ഷണവും വെള്ളവും പോലും ഉപേക്ഷിച്ച് പ്രതികൂല കാലാവസ്ഥയിലും ഇവിടെ തുടരുന്നത് ആവശ്യങ്ങൾ നേടിയെടുക്കാൻ വേണ്ടിയാണെന്ന് ഉദ്യോഗാർത്ഥികൾ പറയുന്നു. ഒപ്പം ഉണ്ടായിരുന്ന പലർക്കും ആരോഗ്യപ്രശ്നങ്ങൾ അടക്കം ഉണ്ടായി.