കരുവന്നൂർ കള്ളപ്പണക്കേസ് : കെ. രാധാകൃഷ്ണൻ എം.പിക്ക് ഇഡിയുടെ സമൻസ്

തൃശൂർ: സംസ്ഥാനത്ത് വിവാദം സൃഷ്ടിച്ച കരുവന്നൂർ കള്ളപ്പണകേസിൽ ചോദ്യം ചെയ്യലിന് ഹാജരാവാൻ കെ. രാധാകൃഷ്ണൻ എംപിക്ക് ഇഡിയുടെ സമൻസ്. ചോദ്യം ചെയ്യലിനായി കൊച്ചിയിലെ എൻഫോഴ്സ്മെന്റ് ഡയറക്ടറേറ്റ് ഓഫിസിൽ ഹാജരാവാൻ നിർദേശം. കരുവന്നൂർ ബാങ്കുമായുള്ള സിപിഎം, സിപിഐ ബന്ധത്തിലും പാർട്ടി അക്കൗണ്ടുമായി ബന്ധപ്പെട്ട കാര്യങ്ങളിലും വ്യക്തത വരുത്താനാണ് ചോദ്യം ചെയ്യൽ.

കെ. രാധാകൃഷ്ണൻ മുൻപ് സിപിഎം തൃശൂർ ജില്ലാ സെക്രട്ടറിയായിരുന്നു. ആ കാലഘട്ടത്തിലെ പണമിടപാടുകളെ കുറിച്ചാണ് ഇഡി ഇപ്പോൾ അന്വേഷിക്കുന്നത്. കേസിൽ നിലവിലെ സെക്രട്ടറിയെ അടക്കം ഇഡി മുൻപ് ചോദ്യം ചെയ്തിരുന്നു. അന്തിമ കുറ്റപത്രം തയാറാക്കുന്നതിനു മുന്നോടിയായാണ് രാധാകൃഷ്ണനെ ചോദ്യം ചെയ്യാൻ ഇഡി ഒരുങ്ങുന്നത്. എന്നാൽ രാധാകൃഷ്ണൻ ഇഡിക്ക് മുന്നിൽ ഹാജരാവുന്നതു സംബന്ധിച്ച വിശദാംശങ്ങൾ ലംഭിച്ചിട്ടില്ല.