കൊല്ലത്ത് പ്രമുഖ വസ്ത്രശാലയിൽ മോഷണശ്രമം

കൊല്ലം: പോളയത്തോട് വസ്ത്രശാലയിൽ മോഷണ ശ്രമം.പ്രമുഖ സ്വർണ്ണ വ്യാപാര ശൃംഖലയായ കല്യാണിന്റെ നിയന്ത്രണത്തിലുള്ള വസ്ത്ര വ്യാപാര സ്ഥാപനമായ ഫസിയോ യിലാണ് കഴിഞ്ഞദിവസം രാത്രി 12 30ന് മോഷണശ്രമം നടന്നത്.
മോഷ്ടാക്കൾ സ്ഥാപനത്തിനുള്ളിൽ കടന്നപ്പോൾ തന്നെ സ്ഥാപനത്തിലെ ജീവനക്കാരുടെ മൊബൈലിലേക്ക് സുരക്ഷ അലാം മുഴങ്ങി. ഉടൻതന്നെ ജീവനക്കാർ സ്ഥാപനത്തിലെത്തി പ്രദേശവാസികളെയും പോലീസിനെയും വിവരമറിയിക്കുകയായിരുന്നു. തുടർന്ന് സ്ഥാപനത്തിലും പരിസരങ്ങളിലും പരിശോധന നടത്തിയെങ്കിലും പ്രതികളെ പിടികൂടാൻ കഴിഞ്ഞില്ല.

കയർ ഉപയോഗിച്ച് സ്ഥാപനത്തിന്റെ പിൻവശത്ത് കൂടി സ്ഥാപനത്തിന്റെ മുകളിലെ നിലയിൽ എത്തിയ മോഷ്ടാക്കൾ വാതിൽ തകർക്കുകയും,സി സി ടി വി കണക്ഷൻ വിച്ഛേദിക്കുകയും ചെയ്തതായി ജീവനക്കാർ പറഞ്ഞു. പ്രതികൾക്കായി അന്വേഷണം ഊർജിതമാക്കിയതായി ഈസ്റ്റ് സി ഐ അനിൽകുമാർ അറിയിച്ചു.

ജീജോ കൊല്ലം