സിപിഎം സംസ്ഥാന സമ്മേളനത്തിനു മുന്നോടിയായി കബഡി മത്സരത്തിന് നാളെ തുടക്കം

കൊല്ലം : സി.പി.ഐ എം സംസ്ഥാന സമ്മേളനത്തിനു മുന്നോടിയായുള്ള കായികോത്സവത്തിനു നാളെ
അഖിലേന്ത്യ കബഡി ടൂർണമെൻ്റോടെ തുടക്കമാകും. ജനുവരി 25, 26 തീയതികളിലായി പാരിപ്പള്ളി ഉദയ് ഇൻസ്റ്റിറ്റ്യൂട്ട് ഓഫ് കബഡിയിൽ വച്ചാണ് മത്സരങ്ങൾ.
ദേശീയ അന്തർദേശീയ താരങ്ങളേയും പ്രോ കബഡി താരങ്ങളേയും അണിനിരത്തി സംഘടിപ്പിക്കുന്ന ടൂർണമെന്റ് പൊതുവിദ്യാഭ്യാസ -തൊഴിൽ വകുപ്പ് മന്ത്രി വി. ശിവൻകുട്ടി ഉദ്ഘാടനം ചെയ്യും.
26ന് നടക്കുന്ന സമാപനസമ്മേളന ഉദ്ഘാടനവും സമ്മാനദാനവും സിപിഐഎം ജില്ലാ സെക്രട്ടറി എസ്. സുദേവൻ നിർവ്വഹിക്കും.
ഒന്നാം സമ്മാനം ഒരു ലക്ഷം രൂപയും രണ്ടാം സമ്മാനം 50,000 രൂപയ്ക്കും വേണ്ടിയുള്ള കബഡി ടൂര്‍ണമെന്‍റില്‍ വിവിധ സംസ്ഥാനങ്ങളില്‍ നിന്നുള്ള പുരുഷ – വനിതാ ടീമുകള്‍ പങ്കെടുക്കും.

പുരുഷ വിഭാഗം മദ്ധ്യപ്രദേശ്, മഹാരാഷ്ട്ര, തെലങ്കാന, കർണ്ണാടക, തമിഴ്‌നാട്, കോഴിക്കോട്, കോട്ടയം, പാലക്കാട് ടീമുകളും

വനിതാ ടീമംഗങ്ങൾ കോഴിക്കോട്, എറണാകുളം, ആലപ്പുഴ, കോട്ടയം, കൊല്ലം ടീമുകളുമാണ് പങ്കെടുക്കുന്നത്