വനിതാ പോലീസ് ഉദ്യോഗസ്ഥയെ വെട്ടിക്കൊന്നു; ഭർത്താവ് പിടിയിൽ
കണ്ണൂർ : കാസർകോട് ചന്തേര പോലീസ് സ്റ്റേഷനിലെ വനിതാ പോലീസ് ഉദ്യോഗസ്ഥ കരിവെള്ളൂര്‍ പലിയേരിയിലെ ദിവ്യശ്രീയെ കൊലപ്പെടുത്തിയ കേസിൽ ഭർത്താവ് രാജേഷ് പിടിയിൽ. പുതിയതെരുവിൽ നിന്നാണ് രാജേഷിനെ പോലീസ് പിടികൂടിയത്.
ഏതാനും നാളുകളായി രാജേഷും ദിവ്യശ്രീയും അകല്‍ച്ചയിലായിരുന്നുവെന്നാണ് വിവരം.
യുവതിയെ വെട്ടിക്കൊല്ലുന്നതിന് മുമ്പ് പെട്രോളൊഴിച്ച് തീക്കൊളുത്തിയതായും വിവരമുണ്ട്. പരിക്കേറ്റ ദിവ്യശ്രീയുടെ പിതാവ് വാസുവിനെ കണ്ണൂര്‍ ബി.എം.എച്ച് ആശുപത്രിയില്‍ പ്രവേശിപ്പിച്ചു.
കൃത്യം നടത്തിയശേഷം രാജേഷ് അവിടെനിന്ന് രക്ഷപ്പെടുകയായിരുന്നു.