പാലക്കാട് ഉപതെരഞ്ഞെടുപ്പ് തീയതി മാറ്റി
പാലക്കാട് : പാലക്കാട് ഉപതെരഞ്ഞെടുപ്പ് തീയതി മാറ്റി. ഈ മാസം 20ലേക്കാണ് തെരഞ്ഞെടുപ്പ് കമ്മീഷന്‍ വോട്ടെടുപ്പ് തീയതി മാറ്റിയത്.
നേരത്തെ തിരഞ്ഞെടുപ്പ് നിശ്ചയിച്ചരുന്ന പതിമൂന്നാം തീയതിയിൽ കല്‍പ്പാത്തി രഥോത്സവം നടക്കുന്ന സാഹചര്യത്തിൽ പാലക്കാട് ഉപതെരഞ്ഞെടുപ്പ് തീയതി മാറ്റണമെന്ന് ബിജെപി ഉള്‍പ്പെടെയുള്ള പാര്‍ട്ടികള്‍ തെരഞ്ഞെടുപ്പ് കമ്മീഷനോട് ആവശ്യപ്പെട്ടിരുന്നു. ഇത് പരിഗണിച്ചാണ് തീയതി മാറ്റിയത് എന്നാണ് റിപ്പോര്‍ട്ടുകള്‍ വ്യക്തമാക്കുന്നത്. കേരളത്തിലടക്കം 14 മണ്ഡലങ്ങളിലെ വോട്ടെടുപ്പ് തീയതിയാണ് തെരഞ്ഞെടുപ്പ് കമ്മീഷന്‍ മാറ്റിയത്.
അതേസമയം തിരഞ്ഞെടുപ്പ് തീയതി മാറ്റിയത് രാഷ്ട്രീയ താൽപര്യപ്രകാരമാണെന്ന് സിപിഎം നേതൃത്വം പറഞ്ഞു. അവസാന നിമിഷത്തിനായി നിൽക്കാതെ നേരത്തെ തന്നെ തിരഞ്ഞെടുപ്പ് തീയതി മാറ്റാമായിരുന്നെന്ന് എൽഡിഎഫ് സ്ഥാനാർത്ഥി ഡോക്ടർ സരിൻ പറഞ്ഞു.