കോഴിക്കോട് കെഎസ്ആർടിസി ബസ് പുഴയിലേയ്ക്ക് മറിഞ്ഞ് ഒരു മരണം

കോഴിക്കോട് : കെഎസ്ആർടിസി ബസ് പുഴയിലേക്ക് മറിഞ്ഞ് ഒരു സ്ത്രീ മരണപ്പെട്ടു. അപകടത്തിൽ നിരവധിപേർക്ക് ഗുരുതര പരിക്കേറ്റു. കോഴിക്കോട് പുല്ലൂരാംപാറയിലാണ് അപകടമുണ്ടായത്.
നിയന്ത്രണം വിട്ട ബസ് റോഡിന് സമീപത്തെ കലുങ്കിൽ ഇടിച്ച് സമീപത്തെ കാളിയമ്പുഴയിലേക്ക് മറിയുകയായിരുന്നുവെന്ന് ബസ്സിൽ ഉണ്ടായിരുന്ന യാത്രക്കാരി പറഞ്ഞു.
ബസിൽ 50 പേർ ഉണ്ടായിരുന്നതായും രക്ഷപ്പെട്ട യാത്രക്കാർ അറിയിച്ചു.
ബസിനടിയിൽ കൂടുതൽ പേർ കുടുങ്ങിക്കിടക്കുന്നതായിട്ടാണ് രക്ഷപ്പെട്ടവർ അറിയിച്ചത്. ബസിന്റെ മുൻഭാഗം മുഴുവൻ പുഴയിൽ മുങ്ങിയ നിലയിലാണ്. ക്രയിൻ ഉപയോഗിച്ച് ബസ്സ് ഉയർത്തി മാറ്റാതെ ബസിനടിയിൽ കുടുങ്ങിക്കിടക്കുന്ന വരെ രക്ഷപ്പെടുത്താൻ പ്രയാസമാണെന്ന് രക്ഷാപ്രവർത്തകർ പറഞ്ഞു. ഇന്നലെ പെയ്ത ശക്തമായ മഴയിൽ കാളിയാമ്പുഴയിലെ ജലനിരപ്പ് ഉയർന്നതിനാൽ രക്ഷാപ്രവർത്തനം ദുസഹമാണ്. അപകടത്തിൽ പരിക്കേറ്റവരെ ആശുപത്രിയിലേക്ക് മാറ്റി