കൊല്ലത്ത് തെരുവ് നായ കുറുകെച്ചാടി സ്കൂട്ടർ യാത്രക്കാരിക്ക് ദാരുണാന്ത്യം

കൊല്ലം : തെരുവുനായ വാഹനത്തിന് മുന്നിൽ ചാടി ഉണ്ടായ അപകടത്തിൽ യുവതിക്ക് ദാരുണന്ത്യം. ശൂരനാട് പള്ളിച്ചന്ത സ്വദേശി ലിജി (29) ആണ് മരണപ്പെട്ടത്.
കൊല്ലം ശൂരനാടാണ് ദാരുണ സംഭവം നടന്നത്. ഇരുചക്ര വാഹനത്തിൽ സുഹൃത്തുമായി യാത്ര ചെയ്യവേ നായ കുറുകെ ചാടുകയായിരുന്നു. നായയെ ഇടിക്കാതിരിക്കാൻ വെട്ടിച്ച വാഹനം തെന്നി വീണാണ് അപകടമുണ്ടായത്.
അപകടത്തിൽ പരിക്കേറ്റ സുഹൃത്തിനെ ആശുപത്രിയിൽ പ്രവേശിപ്പിച്ചു.
പ്രദേശത്ത് തെരുവ് നായ ശല്യം കൂടുതലാണെന്ന് പ്രദേശവാസികൾ പറഞ്ഞു.