തിരുവനന്തപുരത്തുനിന്ന് കാണാതായ കുട്ടിയെ കണ്ടെത്തി

തിരുവനന്തപുരം : ചാക്കയിൽ നിന്ന് കാണാതായ കുട്ടിയെ കണ്ടെത്തി. രണ്ട് വയസുകാരി മേരിയെ കണ്ടെത്തിയത് ബ്രഹ്മോസിന് പിന്നിലുള്ള ഓടയിൽനിന്ന്.
കുട്ടിയെ തിരുവനന്തപുരം ജനറൽ ആശുപത്രിയിൽ പ്രവേശിപ്പിച്ചു. മേരിയുടെ ആരോഗ്യനില തൃപ്തികരമെന്ന് ആരോഗ്യവിദഗ്ധർ അറിയിച്ചു.
ബ്രഹ്മോസിന് പിറകുവശത്തുള്ള കാട് നിറഞ്ഞ പ്രദേശത്ത് കുട്ടി എങ്ങനെ എത്തി എന്നുള്ള വിവരങ്ങൾ പോലീസ് ഉദ്യോഗസ്ഥർ വെളിപ്പെടുത്തിയിട്ടില്ല.ഇന്ന് പുലർച്ചെ 12 മണിയോടെയായിരുന്നു ബീഹാർ സ്വദേശികളായ ദമ്പതികളുടെ രണ്ടര വയസ്സുകാരി മേരിയെ കാണാതായത്.
പോലീസ് സ്റ്റേഷനിൽ പരാതി നൽകിയതിനെ തുടർന്ന് സമീപത്തെ സിസിടിവി ദൃശ്യങ്ങൾ കേന്ദ്രീകരിച്ച് അന്വേഷണം പുരോഗമിക്കുന്നതിനിടയായിരുന്നു കുട്ടിയെ കണ്ടെത്തിയത്.