മഷൂർ ഷെരീഫ് ഗോകുലം കേരളയിൽ
ലയാളി താരം മഷൂർ ഷെരീഫ് ഗോകുലം കേരളയില്‍. പഞ്ചാബ് എഫ് സിയുടെ താരമായിരുന്ന മഷൂർ ഈ സീസണ്‍ അവസാനം വരെയുള്ള കരാറില്‍ ആണ് ഗോകുലം കേരളയിലേക്ക് എത്തുന്നത്.
മഷൂറിന് പഞ്ചാബില്‍ അധികം അവസരങ്ങള്‍ ലഭിച്ചിരുന്നില്ല. മഷൂർ നോർത്ത് ഈസ്റ്റ് യുണൈറ്റഡില്‍ നിന്നായിരുന്നു പഞ്ചാബ് എഫ് സിയിലേക്ക് എത്തിയത്‌.
ഈ സീസണില്‍ പഞ്ചാബില്‍ ആകെ 3 മത്സരങ്ങള്‍ മാത്രമെ താരം കളിച്ചുള്ളൂ. മഷൂർ ഐ എസ് എല്ലില്‍ ആകെ 37 മത്സരങ്ങള്‍ കളിച്ചിട്ടുണ്ട്. താരം ഇന്ത്യക്കായും കളിച്ചിട്ടുണ്ട്. മുമ്ബ് മൂന്ന് സീസണുകളില്‍ ചെന്നൈ സിറ്റിക്ക് ഒപ്പം ഐലീഗില്‍ കളിച്ച താരമാണ് മഷൂർ. ചെന്നൈ സിറ്റി ഐ ലീഗ് നേടിയപ്പോള്‍ അവരുടെ പ്രധാന താരമായിരുന്നു.
മധ്യനിരക്കാരനാണെ‌ങ്കിലും മഷൂർ ഡിഫൻസിലാണ് പലപ്പോഴും നോർത്ത് ഈസ്റ്റിനായി പ്രത്യക്ഷപ്പെടുന്നത്. മലപ്പുറം കാവുങ്ങല്‍ സ്വദേശിയാണ്. മുമ്ബ് ചെന്നൈ ലീഗില്‍ ഹിന്ദുസ്ഥാൻ ഈഗിള്‍സിനു വേണ്ടി തിളങ്ങിയിരുന്നു. എയർ ഇന്ത്യ, പ്രയാഗ് യുണൈറ്റഡ് എന്നീ ക്ലബുകള്‍ക്കും മഷൂർ കളിച്ചിട്ടുണ്ട്. മുൻ എം എസ് പി താരം കൂടിയാണ് മഷൂർ.