പീഡനശ്രമത്തിനിടെ 6 വയസ്സുകാരനെ കൊലപ്പെടുത്തി: പ്രതിയുടെ അറസ്റ്റ് ഇന്ന് രേഖപ്പെടുത്തും
തൃശൂർ: മാളയില്‍ പീഡനശ്രമം ചെറുത്ത ആറ് വയസുകാരനെ കുളത്തില്‍ മുക്കിക്കൊന്ന സംഭവത്തില്‍ പ്രതി ജിജോയുടെ അറസ്റ്റ് ഇന്ന് രേഖപ്പെടുത്തും.
യുകെജി വിദ്യാർത്ഥിയായ ആറ് വയസുകാരനെ അയല്‍വാസിയായ ജോജോ (20) കുളത്തില്‍ മുക്കി കൊലപ്പെടുത്തിയത് പ്രകൃതി വിരുദ്ധ ബന്ധത്തെ എതിർത്തപ്പോഴെന്ന് തൃശൂർ റൂറല്‍ എസ്പി ബി കൃഷ്ണകുമാർ അറിയിച്ചു. ജോജോ കുട്ടിയെ പ്രകൃതിവിരുദ്ധ ബന്ധത്തിന് ഇരയാക്കാൻ ശ്രമിച്ചു. കുട്ടി എതിർത്തതോടെ വിവരം പുറത്തറിയുമെന്ന് ഭയന്ന് കൊലപ്പെടുത്തുകയായിരുന്നുവെന്ന് പോലീസ്‌ ഉദ്യോഗസ്ഥർ പറഞ്ഞു.
വിവരം അമ്മയെ അറിയിക്കുമെന്ന് ജോജോയോട് പറഞ്ഞു. ഇതോടെയാണ് കുട്ടിയെ കുളത്തിലേക്ക് തള്ളിയിട്ടത്. കയറി വരാൻ ശ്രമിച്ചപ്പോള്‍ വീണ്ടും തള്ളി. മൂന്നാം തവണ തള്ളിയിട്ടപ്പോഴാണ് കുട്ടി ചെളിയില്‍ താഴ്‌ന്നത്.
കുട്ടിയുടെ വീടിൻ്റെ തൊട്ട് അയല്‍വാസിയായ ജോജോ ക്രിമിനൽ സ്വഭാവമുള്ളയാളാണ്. ഇയാൾ വാഹനമോഷണ കേസിൽപ്പെട്ടു ജയിലിൽ ആയിരുന്നു.
ഈ അടുത്താണ് ജാമ്യത്തില്‍ ഇറങ്ങിയത്
പ്രതിയെ വൈകിട്ടോടെ കോടതിയില്‍ ഹാജരാക്കിയേക്കും.