10 വയസ്സുകാരിയെ പീഡിപ്പിച്ചു കൊലപ്പെടുത്തി, ജനലിലൂടെ പുറത്തിട്ടു
മഹാരാഷ്ട്ര :പത്തുവയസുകാരിയെ പീഡിപ്പിച്ച്‌ കൊലപ്പെടുത്തിയ സംഭവത്തില്‍ യുവാവ് പിടിയില്‍. അതിക്രൂരമായ കൊലപാതകം താനെയിലെ മുംബ്രയിലാണ് നടന്നത്.
സംഭവത്തില്‍ 19-കാരനായ ആസിഫ് മൻസൂരിയെ താനെ പൊലീസ് അറസ്റ്റ് ചെയ്തു.
മുംബ്രയിലെ സാമ്രാട്ട് നഗറിലുള്ള ഫ്ലാറ്റിലാണ് കൊലപാതകം നടന്നത്. പെണ്‍കുട്ടിയെ പീഡിപ്പിച്ച്‌ കഴുത്തറുത്ത് കൊലപ്പെടുത്തുകയായിരുന്നു. ശേഷം മൃതദേഹം ബാത്ത്റൂമിന്റെ ജനല്‍ വഴി പുറത്തേക്ക് തള്ളി. ആറാം നിലയില്‍ നിന്നാണ് പുറത്തേക്കിട്ടത്.
അടുത്തുള്ള കെട്ടിടത്തില്‍ താമസിച്ചിരുന്ന കുട്ടിയെ കളിപ്പാട്ടവും ചോക്ലേറ്റും നല്‍കി പ്രലോഭിപ്പിച്ച്‌ കൂട്ടിക്കൊണ്ടുവരികയായിരുന്നു പ്രതി. യുവാവിന്റെ വീട്ടിലേക്ക് എത്തിച്ച്‌ പീഡിപ്പിക്കുകയും ശേഷം കൊലപ്പെടുത്തുകയും ചെയ്തു. തൊട്ടുപിന്നാലെ ബാത്ത്റൂമിന്റെ ജനല്‍ വഴി പുറത്തേക്ക് തള്ളുകയായിരുന്നു.