കൊല്ലത്ത് എക്സൈസിന്റെ കഞ്ചാവ് വേട്ട
കൊല്ലം : കൊല്ലത്ത് രണ്ട് കിലോഗ്രാം കഞ്ചാവുമായി രണ്ട് യുവാക്കൾ എക്സൈസ് പിടിയിൽ.തഴുത്തല സ്വദേശികളായ നിഷാദ് (35), അനസ് മുബാറക്(27) എന്നിവരാണ് കഞ്ചാവുമായി അറസ്റ്റിലായത്.
കൊല്ലം എക്സൈസ് എൻഫോഴ്‌സ്‌മെന്റ് & ആന്റി നർക്കോട്ടിക് സ്പെഷ്യല്‍ സ്‌ക്വാഡ് എക്സൈസ് ഇൻസ്‌പെക്ടർ
സി. പി ദിലീപിന് ലഭിച്ച രഹസ്യ വിവരത്തെത്തുടർന്ന് നടത്തിയ പരിശോധനയിലാണ് പ്രതികള്‍ കഞ്ചാവുമായി പിടിയിലാകുന്നത്.
നിരവധി ക്രിമിനല്‍ കേസുകളില്‍ പ്രതിയായ നിഷാദിനെ വളരെ ശ്രമകരമായ ദൗത്യത്തിലൂടെയാണ് എക്സൈസ് സംഘം പിടികൂടിയത്.
അസിസ്റ്റന്റ് എക്സൈസ് ഇൻസ്‌പെക്ടർ(ഗ്രേഡ്) പ്രേനസീർ.എസ്, സിവില്‍ എക്സൈസ് ഓഫീസർമാരായ അരുണ്‍ലാല്‍, അജിത്ത്, അനീഷ്‌എം.ആർ, സൂരജ്.പി.എസ്, ജോജോ.ജെ, ജൂലിയൻ ക്രൂസ്, വനിതാ സിവില്‍ എക്സൈസ് ഓഫീസർ ജാസ്മിൻ, സിവില്‍ എക്സൈസ് ഓഫീസർ ഡ്രൈവർ സുബാഷ് എന്നിവർ എക്സൈസ് സംഘത്തിലുണ്ടായിരുന്നു.