ലഹരിക്കെതിരെയുള്ള കുട്ടി പോലീസിന്റെ പോരാട്ടം ; ഈസ്റ്റ് ഇൻസ്പെക്ടർ അനിൽകുമാർ ഉദ്ഘാടനം ചെയ്തു

കൊല്ലം : ക്രിസ്തുരാജ് ഹയർ സെക്കൻഡറി സ്കൂളിലെ എസ്.പി.സി യൂണിറ്റിന്റെ നേതൃത്വത്തിലുള്ള ലഹരി വിരുദ്ധ പ്രവർത്തനങ്ങൾ കൊല്ലം ഈസ്റ്റ് പോലീസ് സ്റ്റേഷൻ ഐ.എസ്.എച്ച്.ഒ. അനിൽ കുമാർ ഉത്ഘാടനം ചെയ്തു. കൗമാരക്കാരിൽ വർദ്ധിച്ചു വരുന്ന ലഹരി ഉപയോഗം നിയന്ത്രിക്കുന്നതിൽ സ്റ്റുഡന്റ് പോലീസ് കേഡറ്റുകളുടെ സേവനം നല്ല രീതിയിൽ പ്രയോജനപ്പെടുത്തണമെന്ന് അദ്ദേഹം കേഡറ്റുകളോട് പറഞ്ഞു.

കൊല്ലം സിറ്റി പോലീസ് ഡി.സി.ആർ. സി. കൗൺസിലർമാരായ ഡോ. പാർവ്വതി ജീവിത ശൈലി രോഗങ്ങൾ എങ്ങനെ പ്രതിരോധിക്കാമെന്നും, ഡോ. ക്ലോഡറ്റ് ലാമ്പർട്ട് മെഡിറ്റേഷന്റെ ആവശ്യകതയെക്കുറിച്ചും കേഡറ്റുകളെ ബോധ്യപ്പെടുത്തി.
എസ്.ഐ ഗിൽസൺ ഫെർണാഡസ്,എ.എൻ. ഒ.വൈ സാബു,ജില്ല ചൈൽഡ് ആൻഡ് പോലീസ് കോർഡിനേറ്റർ ബിനു, കമ്മൂണിറ്റി പോലീസ് ആഫീസർമാരായ പ്രവീൺ ജോസഫ്, ജോണി തുടങ്ങിയവർ പ്രസംഗിച്ചു