കൊല്ലത്ത് യുവാവിനെ കുത്തിക്കൊന്നു: നാലുപേർ പിടിയിൽ
കൊല്ലം : കൊല്ലം ജില്ലയിലെ വെളിച്ചിക്കാലയില്‍ യുവാവിനെ കുത്തിക്കൊന്നു. കണ്ണനല്ലൂർ മുട്ടയ്ക്കാവ് സ്വദേശി നവാസ് (35) ആണ് കൊല്ലപ്പെട്ടത്.സംഭവത്തിൽ നാലുപേർ പിടിയിൽ. വെളിച്ചക്കാല സ്വദേശികളായ സദ്ദാം,ഷെഫീക്ക് അൻസാരി,നൂറുദീൻ എന്നിവരാണ് പോലീസിന്റെ പിടിയിലായത്.
നവാസിന്റെ സഹോദരനെയും സുഹൃത്തിനെയും ഒരു സംഘം വഴിയില്‍ തടഞ്ഞു നിർത്തി അക്രമിച്ചിരുന്നു. ഇത് ചോദിക്കാനെത്തിയ നവാസും അക്രമി സംഘവും തമ്മില്‍ തർക്കം ഉണ്ടായി. ഇതിനിടെയാണ് നവാസിന് കുത്തേറ്റത്. ക്രിമിനല്‍ പശ്ചാത്തലമുളള സംഘമാണ് ആക്രമണം നടത്തിയത്.
കൊലപാതകത്തിൽ നേരിട്ട് ഉൾപ്പെട്ടിട്ടുള്ള കൂടുതൽ പേർ പിടിയിലാകാനുണ്ടെന്ന് കണ്ണനല്ലൂർ പോലീസ് അറിയിച്ചു