തിരുവല്ലയിൽ നിന്ന് കാണാതായ വിദ്യാർത്ഥിനി തിരികെയെത്തി : രണ്ടുപേർ പിടിയിൽ
പത്തനംതിട്ട : തിരുവല്ലയിൽ നിന്ന് കാണാതായ വിദ്യാർത്ഥിനി തിരികെയെത്തി. പെൺകുട്ടിയെ കൂട്ടികൊണ്ട് പോയവരുടെ വീഡിയോ ദൃശ്യങ്ങൾ കഴിഞ്ഞ ദിവസം സോഷ്യൽ മീഡിയകളിൽ വ്യാപിച്ചതോടെ പെൺകുട്ടിയെ പൊലീസ് സ്റ്റേഷനിലാക്കി യുവാക്കൾ മുങ്ങി.
തുടർന്ന് പോലീസ് നടത്തിയ പരിശോധനയിൽ തൃശൂര്‍ സ്വദേശികളായ യുവാക്കളെ പൊലീസ് പിടികൂടി. അതില്‍, അജിന്‍ എന്നിവരാണ് പിടിയിലായത്.
വെള്ളിയാഴ്ച രാവിലെ സ്കൂളിലേക്ക് പരീക്ഷയ്ക്കായി പോയ പെണ്‍കുട്ടി. ഉച്ചയായിട്ടും തിരികെ എത്താതായതോടെ മാതാപിതാക്കള്‍ സ്കൂളിൽ അന്വേഷിച്ചപ്പോൾ കുട്ടി പരീക്ഷയ്ക്ക് എത്തിയിരുന്നില്ല എന്ന് സ്കൂൾ അധികൃതർ അറിയിച്ചു തുടർന്ന് ആണ് തിരുവല്ല പൊലീസിനെ സമീപിച്ചത്.
പോലീസ് സമീപത്തുള്ള സിസിടിവി ദൃശ്യങ്ങൾ കേന്ദ്രീകരിച്ച് നടത്തിയ പരിശോധനയിൽ വിദ്യാർഥിനി രണ്ട് ആൺകുട്ടികളുമായി നടന്നു പോകുന്നതായി കണ്ടെത്തിയിരുന്നു. ഇവരുടെ ചിത്രങ്ങള്‍ ഇന്നലെ പൊലീസ് പുറത്തുവിട്ടിരുന്നു.