വിവിധ ഇടങ്ങളിൽ നിന്നായി കഞ്ചാവും ഹെറോയിനും പിടികൂടി

മലപ്പുറം : ആലുവയിലും തിരൂരിലും അന്യസംസ്ഥാന തൊഴിലാളികൾ മയക്കുമരുന്നുമായി പിടിയിൽ. ആലുവ ജില്ലാ ആശുപത്രിക്ക് സമീപം വച്ച് ഒഡിഷ സ്വദേശി ജഗനാഥ് ഡിഗൽനെ 4 കിലോഗ്രാം കഞ്ചാവുമായി അറസ്റ്റ് ചെയ്തു. ആലുവ റേഞ്ച് ഇൻസ്പെക്ടർ സുരേഷിൻറെ നേതൃത്വത്തിലുള്ള പരിശോധന സംഘത്തിൽ പ്രിവന്റീവ് ഓഫീസർമാരായ പി കെ ഗോപി, എസ് സുരേഷ് കുമാർ, പി എൻ സുരേഷ് ബാബു, എന്നിവർ ഉണ്ടായിരുന്നു

തിരൂർ കാട്ടിപ്പരുത്തിയിൽ ആസാം സ്വദേശി കഞ്ചാവും ഹെറോയിനുമായി പിടിയിലായി. വില്പനയ്ക്ക് കൊണ്ടു വന്ന 6.518 ഗ്രാം ഹെറോയിൻ, 20 ഗ്രാം കഞ്ചാവ് എന്നിവയുമായി ഫാറൂഖ് അലി എന്നയാളാണ് എക്സൈസ് പിടിയിലായത്. കുറ്റിപ്പുറം എക്സൈസ് റേഞ്ച് ഇൻസ്പെക്ടർ സാദിഖ് പ്രിവന്റീവ് ഓഫീസർ സുനിൽ, സിവിൽ എക്സൈസ് ഓഫീസർ ബാലു, ഡ്രൈവർ ഗണേശൻ എന്നിവർ ഉൾപ്പെട്ട സംഘമാണ് പ്രതിയെ പിടികൂടിയത്.